Պրահայի քաղաքային դատարանը հայ «օրենքով գող» Անդրանիկ Սողոյանին (մականունը՝ Զապ) ու նրա 4 համախոհներին կալանավորելու եվրոպական հրաման է տվել, հայտնում է mzk1.ru-ն:
Սողոյանը դատապարտվել էր 22 տարվա ազատազրկման հայ գործարարի սպանության համար ու պետք է վկայություն տար մինչև սեպտեմբերի 1-ը: Ոչ նա, ոչ մյուս դատապարտյալները չէին ներկայացել դատարան:
2007-ին Սողոյանը պատվիրել էր հայ գործարարի սպանությունը: Պրահայում պատվերի իրականացման ժամանակ սխալմամբ սպանվել էր 1 մարդ ու վիրավորվել էր մեկ ուրիշը:
Քիլերը՝ ուկրաինացի Թիմուր Տրետյակովը, սխալմամբ դանակով հարվածել էր հային, որի կյանքը հաջողվել էր փրկել բժիշկների շնորհիվ: 2 շաբաթ անց Տրետյակովը նորից սխալվել էր ու սպանել Sazka ընկերության 25-ամյա տնօրենին, որը շրջում էր նույնպիսի Bentley ավտոմեքենայով, ինչպես ենթադրյալ զոհը: Տրետյակովը դատապարտվել էր 22 տարվա ազատազրկման:
Սողոյանի դատավճիռը հրապարակվել էր 2013 հոկտեմբերին: Այս պահին նա երկար ժամանակով գտվում էր արտասահմանում, քանի որ դատարանը նրան ազատ էր արձակել մինչ դատավճռի հրապարակումը:
Պրահայի քաղաքային դատարանը նրան երկու անգամ արդարացրել է, սական Գերագույն վերաքննիչ դատարանը գործը նորից քննել էր ու կայացրել մեղադրական դատավճիռ:
Բացի Սողոյանից՝ սպանության ու թալանի համար դատապարտվել են նրա համախոհները, որոնք ազատազրկման են դատապարտվել 12-18 տարի ժամկետով:
