Լոնդոնի «Չելսի»-ի գլխավոր մարզիչ Ժոզե Մոուրինյոն քննադատության խոսքեր է հասցեագրել որոշ հավաքականների մարզիչներին, ովքեր չեն ցանկանում խորհրդակցել ֆուտբոլիստների մարզավիճակի վերաբերյալ:
«Հավաքականների մարզիչներն ինքնուրույն են որոշում` լինել եսասեր, թե մտածել ֆուտբոլիստների մասին: Ես չեմ ասում, թե ֆուտբոլիստները չպետք է հավաքական մեկնեն, հակառակը, դա ինձ դուր է գալիս: Բոլորս հպարտանում ենք, երբ մեր սանը հաջողությամբ հանդես է գալիս խոշոր մրցաշարերի ժամանակ:
Որոշ իրավիճակներում հավաքականների մարզիչներն ու բժիշկները ակումբի հետ բանակցում են այս կամ այն ֆուտբոլիստի մարզավիճակի մասին: Մյուսներին դա չի հետաքրքրում: Ոչ մի կերպ չենք կարողանում լուծում տալ այս խնդրին: Իմ կարիերայում եղել են հավաքականների մարզիչներ, ոքեր մշտական կապ են պահպանել ակումբի հետ: Սակայն ոմանք ո´չ զանգահարել են, ո´չ անգամ գրել: Միակն, ով զանգահարել է ինձ նախորդ շաբաթ, Ռոյ Հոջսոնն է եղել: Զանգահարե՞լ է արդյոք Դել Բոսկեն: Ոչ մի անգամ: Ինձ համար դա տհաճ է, բայց ստիպած եմ հարմարվել»,- Daily Mail-ը մեջբերում է Մոուրինյոյի խոսքերը: