ԱՄՆ Առևտրիային ներկայացուցչությունում (USTR), որը զբաղվում է երկրի արտաքին առևտրային քաղաքականությամբ, բիզնեսի մի շարք ներկայացուցչներ պահանջել են բացառել Ռուսաստանին առևտրի համաշխարհային կազմակերպությունից կամ գոնե վաղաժամ չեղարկել նախապատվությունները Ռուսաստանի համար:
Ներկայացուցչությունում ԱՀԿ-ի անդամակցության հարցերով տնօրեն Սեսիլյա Կլյայնը հայտարարել է, որ բիզնես ասոցիացիաների մի շարք ներկայացուցիչներ հայտարարել են, որ Ռուսաստանը չի կատարում կազմակերպության առջև ունեցած պարտավորությունները, այդ իսկ պատճառով պետք է բացառվի:
USTR-ի ղեկավարությունն ու կազմակերպության ներկայացուցիչները նման առաջարկներ չեն արել: Հենց կազմվի ամենամյա հաշվետվություն, հավակնությունները կուղարկվել ԱՄՆ Կոնգրես և Առևտրի համաշխարհային կազմակերպության ղեկավարությանը, որից հետո կարվեն համապատասխան հայտարարութուններ ռուսական կողմին փոփոխություններ կատարելու և սխալները շտկելու առաջարկներով՝ Կլյայնին է մեջբերում «Իզվեստիան»:
Ամերիկացի գործարարների շրջանում սաստիկ դժգոհություն է առաջացրել տեղի արտադրողներին ու ձեռնարկություններին աջակցելու ռուսական միտվածությունը: Դրանից դժգոհ են հատկապես ամերիկացի պողպատագործները:
Գործարարները հիշեցնում են, որ Առևտրի համաշխարհային կազմակերպությանն անդամագրվելիս Ռուսաստանը խոստացել է, որ պետական ձեռնարկությունները չեն խախտի մրցակցային միջավայրը: