Մեքսիկայի գլխավոր դատախազությունը նախօրեին խոստացել է հատկացնել 1.5 մլն պեսո (111 հազար դոլար) պարգևավճար Իգուալա քաղաքում անհետ կորած ուսանողներից յուրաքանչյուրի մասին տեղեկության դիմաց՝ ասվում է գերատեսչության հաղորդագրությունում:
Այդպիսով՝ բոլոր անհետացած ուսանողների համար նախատեսված ընդհանուր գումարի չափը կազմում է 64.5 մլն պեսո (4.8 մլն դոլար):
Ուսանողներն անհետացել էին սեպտեմբերի 26-ին, երբ Իգուալայի քաղաքապետի հրամանով ոստիկանությունը ու քաղաքացիական հագուստով հանցագործները հարձակվել էին կրթության բարեփոխումների դեմ հանդես եկող ուսանողների վրա: Դեպքի վայրում սպանվել է 6 մարդ, 43-ն անհետ կորել են: