ՄԱԿ-ին անհանգստացնում է ԱՄՆ Դեթրոյթ քաղաքում ստեղծված իրավիճակը՝ կապված ջրամատակարարման դադարեցման հետ: Համաշխարհային կազմակերպությունը նշում է, որ իրերի նման դասավորությունը խախտում է քաղաքի բնակիչների իրավունքները: Այս մասին հայտնում է RIA Novosti-ն:
«Անհրաժեշտ քանակությամբ ջրի հասանելիության մերժումը սպառնալիքի տակ է դնում մարդու իրավունքների լայն սպեկտորը՝ ոչ միայն այն իրավունքները, որոնց մենք հետամուտ ենք, այլև կյանքի իրավունքը: Դա միայն ուժեղացնում է անհավասարությունը»,- հայտարարել է ՄԱԿ-ում ջրի և հիգիենայի նկատմամբ մարդու իրավունքների հարցերով հատուկ զեկուցող Կատարինա դե Ալբուկերկեն Դեթրոյթի մամլո ասուլիսին: Հիշեցնենք. քաղաքն անցած տարի սնանկ էր հայտարարվել:
Զեկուցողի խոսքով՝ քաղաքի վարչակազմը չի ձեռնարկում միջոցառումներ, որպեսզի լուծի խնդիրը:
Տեղի ԶԼՄ-ների հաղորդմամբ՝ Դեթրոյթի ջրմուղը Միչիգան նահանգի հարավ-արևելքում սպասարկում է մոտ 4 մլն մարդու՝ ներառյալ քաղաքի 680 հազար բնակիչներին: Քաղաքի իշխանությունները նման ռազմավարություն են որդեգրել, որպեսզի մարդկանց ստիպեն վճարել հաշիվները:
