Թուրքիայի վարչապետ Ահմեդ Դավութօղլուն հայտարարել է, որ պատրաստ է հրաժարական տալ, եթե ապացուցվի, որ կառավարությունը երկրի քուրդ բնակչությանը վերաբերվում է որպես երկրորդ կարգի քաղաքացիների: Այս մասին հայտնում է թուրքական Sabah թերթը:
Նա նշել է, որ Թուրքիայի բոլոր քաղաքացիները հավասար իրավունքներ ունեն:
Նրա խոսքով՝ Թուրքիայում խոսք անգամ լինել չի կարող մի ազգի նկատմամբ մյուսի գերակայության մասին:
Այն բանից հետո, երբ Թուրքիան հրաժարվեց ռազմական ուժ կիրառել քրդերով բնակեցված սիրիական Քոբանի (Այն-էլ-Արաբ) քաղաքը ԴԱԻՇ-ից («Իրաքի և Շամի իսլամական պետություն») պաշտպանելու համար, մի շարք ընդդիմադիր կուսակցություններ հայտարարեցին, որ կառավարությունը քրդերին վերաբերվում է որպես երկրորդ կարգի քաղաքացիների:
