Մադրիդի «Ռեալ»-ի և Իսպանիայի հավաքականի նախկին հարձակվող Ռաուլը համաձայնության է հասել ամերիկյան «Նյու Յորք Կոսմոս» ակումբի հետ:
Ընթացիկ շաբաթ 37-ամյա ֆուտբոլիստը պայմանագիր կստորագրի, համաձայն որի նոր թիմում հանդես կգա 2015 թվականի մարտից: Բացի այդ, նա կգլխավորի ամերրիկյան ակումբի երիտասարդական ակադեմիան: Պայմանագրի մանրամասները դեռ չեն հրապարակվել:
Վերջին անգամ Ռաուլը խաղադաշտ է դուրս եկել 2014 թվականի մարտին, երբ հանդես էր գալիս Քաթարի «Ալ Սաադ» ակումբում: Հարձակվողը 16 տարի խաղացել է Մադրիդի «Ռեալ»-ում: Նա 6 անգամ Իսպանիայի չեմպիոն է դարձել, 3 անգամ նվաճել Չեմպոնների Լիգայի գավաթը: Ռաուլը 102 հանդիպում է անցկացրել Իսպանիայի հավաքականի կազմում և 44 գոլ հեղինակել:
