Հայտնի մոդելավորող Օսկար դե լա Ռենտան մահացել է 82 տարեկանում: Այս մասին հաղորդում է ABC News հեռուստաալիքը՝ հղում անելով նրա ընտանիքի անդամներին:
Օսկար դե լա Ռենտայի վերջին աշխատանքներից մեկը Ջորջ Քլունիի կնոջ՝ Ամալ Ալամուդինի հարսանեկան զգեստն էր: Հեռուստաալիքի հաղորդմամբ՝ դե լա Ռենտան երկար ժամանակ տառապել է ծանր հիվանդությամբ՝ նրա մոտ քաղցկեղ է ախտորոշվել դեռևս 2006-ին:
Օսկար դե լա Ռենտան ծնվել է 1932-ին՝ Դոմինիկյան Հանրապետությունում: 18 տարեկանում նա մեկնել է Մադրիդ, որտեղ ավարտել է Արվեստների ակադեմիան: 28 տարեկանում նրան առաջարկել են կարել Իսպանիայում ԱՄՆ դեսպանի դստեր ավարտական երեկոյի զգեստը: Այդ հագուստի շնորհիվ աղջիկը հայտնվել է Life ամսագրի շապիկին: Դրանից հետո նա աշխատել է մի շարք հայտնի նորաձևության տներում, ապա 1963-ին ԱՄՆ-ում բացել սեփականը: