Apple կորպորացիայի մաքուր շահույթը 2014 ֆինանսական տարվա 4-րդ եռամսյակի արդյունքներով գերազանցել է վերլուծաբանների կանխատեսումներն ու կազմել 8.47 մլրդ դոլար: Այս մասին ասվում է ընկերության տարածած հաշվետվությունում:
Ընկերության եկամուտը դիտարկվող ժամանակահատվածում կազմել է 42.1 մլրդ դոլար: Շահույթի աճը մեկ բաժնետոմսի հաշվարկով կազմել է 1.42 դոլար՝ կանխատեսվող 1.31-ի փոխարեն:
Հաղորդվում է, որ չորրորդ եռամսյակում վաճառվել է ռեկորդային թվով՝ 5.5 մլն Mac համակարգիչ, ինչը 21 տոկոսով ավելի է, քան 2013-ի նույն ժամանակահատվածում:
iPad պլանշետների վաճառքը շարունակում է ընկնել: Դիտարկվող ժամանակահատվածում վաճառվել է 12.3 մլն սարք՝ անցած տարվա նույն ժամանակահատվածի համեմատ 13 տոկոսով պակաս:
Ընկերության մենեջերների կանխատեսումներով՝ 2015-ի առաջին եռամսյակում եկամուտը կկազմի 63.5-66.5 մլն դոլար:
