ELLE-ը ներկայացնում է աշխարհի հինգ լյուքսային առանձնատների ցուցակը:
1. MUSE Pangkor Laut Estates(Մալազիա): Այս շքեղ առանձնատունը գտնվում է Մալազիայում և Pangkor Laut Resort համալիրի մասն է կազմում: Այն իր կազմում 8 առանձին առանձնատներ ունի, որոնք տեղակայված են արգելանոցում: Դրանցից յուրաքանչյուրն ինքնավար է: Հյուրերի տրամադրության տակ են անհրաժեշտ բոլոր ծառայությունները: Բացի ննջարաններից, այստեղ հյուրերի համար նախատեսված այգի, ճեմուղի և լողավազան կա: Այստեղ մեկ գիշեր անցկացնելու համար 2520 դոլար է անհրաժեշտ վճարել:
2. Foxhill Manor-ը (Բրիտանիա) գտնվում է Շեքսպիրի ծննդավայրից 18կմ հեռավորության վրա: Այն իդեալական է հարսանիքներ, գործարար հանդիպումներ, մասնավոր երեկույթներ անցկացնելու համար: Բացի ութ շքեղ ննջասենյակներից այստեղ կա բալետի սրահ, որը նախատեսված է 80 մարդու համար, լանդշաֆտային այգիներ, պատշգամբ, բար, լաունջ գոտի, ճաշասրահ, ժամանակակից կինոթատրոն կա: Մեկ գիշեր այստեղ անցկացնելու համար հարկավոր է 3500 ֆունտ վճարել:
3. Velassaru Water Suite-ը հյուրերին ակտիվորեն սկսում է ընդունել հոկտեմբեր ամսից: Այստեղ հաճելի է թաքնվել աղմուկից և վայելել արևը, ծովը և կապույտ երկինքը: Այստեղ անձնական ծառայողներ են առաջարկվում, կա տնային կինոթատրոն, շքեղ լոգարան և SPA կենտրոն: Վիլայի դիզայնը տպավորիչ է: Այն հագեցած է սառը երանգներով: Հյուրասենյակի հատակը ապակուց է, որի միջից կարելի է հիանալ օվկիանոսի հոսող ջրով: Առանձանատան տարածքում ընդարձակ ֆիթնես սրահ կա, հինգ շքեղ ռեստորաններ և երկու բար: Այստեղ մեկ գիշեր անցկացնելու համար հարկավոր է 2240 դոլար վճարել:
4. Grand Villa Natai-ն(Թաիլանդ) շքեղ առանձնատուն է, որը հիացնում է ծովին նայող դիրքով: Առանձնատան ընդհանուր տարածքը 155 քմ է: Հյուրերի տրամադրության տակ փակ և բացօթյա հիանալի ռեստորաններ կան: Յուրաքանչյուր համար տնային կինոթատրոն, երաժշտական կենտրոն և գրադարան ունի: Այստեղ երկու ընդարձակ լողավազաններ, գոլֆի երեք դաշտ կա: Այստեղ մեկ գիշեր անցկացնելու արժեքը սկսվում է 31000 թայվանական բաթից:
5. Villa Del Mar(Իսպանիա): Այս նրբագեղ առանձնատունը ավելի քան 3000 քմ տարածք ունի և տեղակայված է Ոկե Մղոն լողափի երկայնքով՝ Լա Կոնչա լեռան ստորոտում: Առանձնատան վեց համարները անդալուսյան վեհափառ ճարտարապետության ոգով են կառուցված, իսկ հոյակապ պատշգամբի դիզայնը Ալգամբրան է հիշեցնում: Այնտեղից հոյակապ տեսարան է բացվում դեպի ծով: Մասնավոր խոհարարը հյուրերի համար նրբաճաշակ խորտիկներ է պատրաստում, իսկ բարում հնարավոր է տարաբնույթ գինիներ փորձել: Լողափը տեղակայված է մոտակայքում: Համամը, ֆինական սաունան, ջակուզին գտնվում են սպա գոտում: Առանձնատունը բարձրորակ տեխնիկայով է ապահովված: Այստեղ կա 12 հեռուստացույց, Domotic երաժշտական համակարգ, ազատ մուտք համացանց և այլն:
Լյուքս դատի 6 համարներում տեղավորվում է մինչև 12 մարդ:
Արժեքը սկսվում է 15 000 եվրոյից մեկ գիշերվա համար:
