Սան Ֆրանցիսկոյի երկու ռադիոկայաններ որոշում են կայացրել մինչև բեյսբոլի World Series ամերիկյան մրցաշարի ավարտը եթերից հանել երգչուհի Lorde-ի Royals երգը, որը ներկա պահին անցկացվում է քաղաքում և կավարտիվի հոկտեմբերի 29-ին: Ընկերությունների ղեկավարությունները դա բացատրել են նրանով, որ մրցումներին մասնակցում է Kansas City Royals անունով թիմը, իսկ Lorde-ի երգը շատերի մոտ այդ թիմի հետ է ասոցացվում, հաղորդում է The Hollywood Reporter-ը:
Ռադիոընկերությունների ներկայացուցիչների խոսքերով՝ խմբագրությանն են դիմել բազմաթիվ ռադիոունկընդիրներ, ովքեր կարծում են, որ այդ երգը փչացնում է թիմի իմիջը՝ չնայած որ այն խմբի հետ ոչ մի առնչություն չունի:
«Մի նեղացեք, Lorde, սակայն մինչև World Series-ի ավարտը ռադիո KFOG-ը Royals-ը չի հեռարձակի: Համոզված ենք, դուք կհասկանաք»,- նշվում է ռադիոկայաններից մեկի Facebook-յան էջում:
Royals սինգլը նորզելանդացի երգչուհու և հեղինակ-կատարող Lorde-ի կարիերայում դեբյուտային է: Այն թողարկվել է 2013թ, մարտին և արագ բարձրացել է Կանադայի, ԱՄՆ-ի և Նոր-Զելանդիայի հիթ-շքերթների առաջին տողերին: Երգչուհին 2014թ, որպես լավագույն մենակատար «Գրեմմի»-ի է արժանացել, իսկ Royals թրեքին ժյուրին արժանացրել է <Տարվա լավագույն երգ> մրցանակին: