Այս հիասքանչ երաժշտական տեսահոլովակի ձայնագրմանը մասնակցել են համաշխարհային այնպիսի աստղեր, ինչպիսիք են Էլթոն Ջոնը, Սթիվի Ուանդերը, Բրայան Մեյը, Դև Գրոլը և ուրիշներ, գրում է kulturologia.ru-ն:
Երաժշտական տեսահոլովակը նկարահանվել BBC Music նոր ալիքի թողարկման նախաշեմին: Որպես երգ ընտրվել է Beach Boys-ի God Only Knows ստեղծագործությունը, որը շատ հայտնի երաժիշտներ են կատարել՝ ռոք-երաժիշտներ, փոփ-խմբեր, սիմֆոնիկ նվագախմբեր, մի խոսքով՝ երաժշտական աշխարհի բոլոր կատեգորիաների հայտնի դեմքերը:
Տեսահոլովակը սկսվում է թատրոնի ներսում, որտեղ նվագախումբ է նվագում, այնուհետև փոխվում է ֆանտաստիկ տեսարաններով: Յուրաքանչյուր կատարողի համար սեփական կեպար է ընտրվել՝ թիթեռնիկներ, կենդանի վագր, բեմին արևածաղիկների դաշտ, ոսկեջրած վանդակ և վարդագույն ամպերի մեջ ճոճվող ճոճանակ. այս տեսահոլովակի յուրաքանչյուր կադրն այնքան գեղեցիկ է, որ յուրաքանչյուր պահի սքրինշոփ արվեստի ստեղծագործության կադր կարծես լինի:
Այս ստեղծագործության վաճառքից ստացված գումարը կտրամադրվի BBC-ի Children in Need բարեգործական հիմնադրամին: Այս հիմնադրամը օգնում է Բրիտանիայի ոչ բարեկեցիկ ընտանիքների երեխաներին: