«Առաջին լրատվական»-ի զրուցակիցն է ԱԺ ԲՀԿ խմբակցության պատգամավոր Վահե Էնֆիաջյանը:
–Պարոն Էնֆիաջյան, Զարուհի Փոստանջյանը ութ կետից բաղկացած պահանջներ ներկայացրեց ոչ իշխանական եռյակին, իշխանափոխության ձգտող եռյակին ի՞նչն է խանգարում, որ չի միանում այդ պահանջներին:
-Ի սկզբանե ուզում եմ ասել, որ եթե ինչ-որ քաղաքական գործիչ ինչ-որ կարծիք է հայտնել, ինչ-որ նախաձեռնությամբ է հանդես եկել, պարզապես կոռեկտ էլ չէ, որպեսզի ես մեկնաբանեմ կամ վերլուծեմ նրա ասածը: Ամենակոմպետենտ մարդը հենց ինքը՝ Զարուհի Փոստանջյանն է, որը մանրամասն կներկայացնի, թե ինքն ինչ է իրականացրել և ինչ նպատակով:
–Արդյոք ոչ իշխանական եռյակը քննարկո՞ւմ է նրա ներկայացրած պահանջները:
-Առհասարակ, ձեզ էլի եմ ասում, սա ներքին սպառման, խոսակցությունների և վերլուծությունների ինչ-որ տեղիք տալու կամ մեկնաբանելու ինչ-որ հարց չէ: Իսկ հասարակության համար, որպես տեղեկատվություն, թե Զարուհի Փոստանջյանն ինչ է ի նկատի ունեցել, ինչ հարցադրում է ունեցել, կարծում եմ՝ ամենաճիշտը և կոռեկտը կլինի անձամբ նրանից հարցնել:
–Հարթակից հնչում է նաև իշխանափոխության պահանջ: Հնարավո՞ր է, որ հոկտեմբերի 24-ին Գագիկ Ծառուկյանն իր ելույթում արտահերթ ընտրությունների պահանջ հնչեցնի:
-Ամսի 24-ն արդեն իսկ առջևում է, մի քանի օր է մնացել, ես շատ լավ հասկանում եմ, որ հասարակությունը, ինչպես նաև զանգվածային լրատվական միջոցները շատ լավ հասկանում են պահի լրջությունը, հասարակական պահանջը և այս ժամանակահատվածում իշխանության մեջ գտնվող որոշ գործիչների տագնապալից խոսակցությունները, և այս հարցը բոլորի համար ամենահասունացած հարցերից մեկն է, բայց միևնույն ժամանակ երևույթներ կան, հարցեր կան, որոնք այն հնչեղությունն ունեն, այն մակարդակն ունեն, որ միանշանակ առաջին դեմքի մակարդակով պետք է լսեն, ևես դաշատ լավ հասկանում եմ:Ամսի 24-ին հանրապետության տասնյակ հազարավոր քաղաքացիներ հուսախաբ չեն լինելու և լսելու են ԲՀԿ առաջնորդ Գագիկ Ծառուկյւանի խոսքը և ելույթը:
–Կարծում եք՝ հանրությունը վստահո՞ւմ է եռյակին կամ քառյակին:
-Այն, ինչ տեղի ունեցավ հոկտեմբերի 10-ին, փաստացի էր հասարակության և աշխարհի առջև, որ հասարակության մեջ լայն զանգվածները իրենց հասարակական դժգոհությունը համախմբել են, արտահայտում են, մենակ այն կոչերով, որ հանդես էր գալիս մեր ժողովուրդը, այն պաշտոնական տվյալները, որն ունենք՝ մեկ միլիոն աղքատ ՀՀ-ում, ստացվում է, մեկ երրորդը աղքատ է ապրում, էլ չեմ խոսում մնացած թվերից:
Ավելին՝ տեսանյութում:
