«ՀՅԴ-ն երբեք թույլ չի տա խոսել նման ոճով: Մենք միանում ենք բոլոր նախաձեռնություններին, որոնց մասնակցել ենք: Սակայն եթե մեզ հետ չեն քննարկվել այս կամ այն հարցերը, իսկ հետո թուղթ են դեմ տալիս ստորագրելու համար, մենք նման բան երբեք չենք արել ու չենք անելու»,- այս մասին, այսօր՝ հոկտեմբերի 20-ին, ԱԺ-ում լրագրողների հետ զրույցում նշել է ՀՅԴ խմբակցության ղեկավար Արմեն Ռուստամյանը՝ նշելով, որ եռյակի աշխատանքի այսօրվա ոճն անընդունելի է:
Ճշտող հարցին, թե փաստացի ՀՅԴ-ն դուրս է եկել խորհրդարանական քառյակից, Ռուստամյանը պատասխանել է. «Մենք այնտեղ ենք, որտեղ եղել ենք 124 տարի: Հետաքրքիր է, ինչու նրանք մեզ հետ չեն քննարկելի այդ նախաձեռնությունը»:
ՀՅԴ-ն սահմանադրական բարեփոխումների հայեցակարգի հետ կապված իր գնահատականը ավելի ուշ կներկայացնի. «Հայեցակարգը անորոշ ուծումների իմաստով դաշտ է ստեղծում: Հստակ չի ասվում, թե Սահմանադրությունն ինչպե՞ս պետք է փոխվի, դա կերևա, երբ նախագիծը կներկայացվի: Հայեցակարգը հիմնադրույթներ են, ուղղություններն են և այդտեղ որոշակի անորոշություններ դեռևս պահպանված են: Մենք աշխատելու ենք, որ ուղղությունների մասով հասնենք լիարժեք համաձայնության»:
Ավելին՝ տեսանյութում
