Թռիչքի ժամանակ բրիտանացիները նախընտրում են զրուցել, չինացիները՝ քնել, ավստրալացիները՝ խմել, գրում է The Daily Mail-ը՝ հղում անելով Airline Passenger Experience Association-ի հետազոտությանը: APEX-ի հարցմանը մասնակցել է 18 տարեկանից մեծ մոտ 1 500 մարդ ԱՄՆ-ից, Միացյալ Թագավորությունից, Գերմանիայից, Ճապոնիայից, Չինաստանից, Սինգապուրից, Ավստրալիայից և Բրազիլիայից:
Ինքնաթիռում ալկոհոլ օգտագործելու մասին պատմել է ավստրալացիների 36%-ը, ամերիկացիների 35%-ը և բրիտանացիների 33%-ը: Չինացի ուղևորներն ավելի հակված են թռիչքի ժամանակ քնելու: Բացի դրանից՝ Չինաստանի քաղաքացիներն ամենից հաճախ են կրեդիտ քարտ օգտագործում են գնումների համար և համակարգչային խաղեր են խաղում: ԱՄՆ բնակիչներն ինքնաթիռում աշխատում են (երբ չեն խմում):
Իսկ բրիտանացիներն ու գերմանացիները սիրում են զրուցել ճանապարհի անծանոթ ընկերների հետ՝ այդպիսի զրույցների վրա ծախսելով 50%-ից ավելի ժամանակ, քան այլ երկրների քաղաքացիները:
Ի վերջո, բրազիլացիները մնացածներից ավելի հաճախ են թռիչքի ընթացքում շփվում էլեկտրոնային փոստով կամ սոցցանցերում: