Բրիտանական BP նավթային ընկերությունը վերսկսել է արդյունահանումը Հյուսիսային ծովի գազային հանքահորում, որը նա մշակում է իրանական պետական ընկերության հետ համատեղ: Աշխատանքները դադարեցվել էին 2010 թվականի նոյեմբերին՝ կապված Իրանի դեմ եվրոպական պատժամիջոցների սահմանման հետ: Այս մասին հայտնում է Financial Times-ը:
BP-ն Հյուսիսային ծովում Rhum հանքի օպերատորն է և բաժնետոմսերի 50 տոկոսի սեփականատերը: Իրանական National Iranian Oil Co-ին էլ պատկանում է մնացած 50 տոկոսը: Մինչ աշխատանքների ավարտը այդ հանքին էր բաժին ընկնում Մեծ Բրիտանիայում գազի արդյունահանման ամբողջ ծավալի մոտ 4-5 տոկոսը:
Արևմտյան երկրների և Իրանի միջև հարաբերությունների ջերմացումը տարել է նրան, որ անցած տարվա հոկտեմբերին Էներգետիկայի և կլիմայական փոփոխությունների հարցերով բրիտանական դեպարտամենտը թույլատրել է վերսկսել աշխատանքները: Աշխատանքների վերսկսումը հետաձգվել է տեխնիկական դժվարությունների և անվտանգությանն առնչվող հարցերի պատճառով:
Արդյունահանման առավելագույն ծավալը, ինչպեսև սպասվում էր նախկինում, կկազմի օրական 300 մլն խորանարդ ֆուտ:
