Ի պատիվ նոր բացված 2 խանութների՝ Emilio Pucci իտալական նորաձևության տունը ստեղծել է Cities of the World անվանումով մետաքսե թաշկինակների սահմանափակ թվով հավաքածու՝ նվիրված 6 քաղաքների՝ Ֆլորենցիային, Հռոմին, Նյու Յորքին, Փարիզին, Շանհային ու Հոնկոնգին:
Դիզայնի հիմք է ընտրվել Battistero թաշկինակը՝ ստեղծված Էմիլիո Պուչչիի կողմից 1957-ին:
Ձեռքով նկարազարդված թաշկինակների վրա պատկերված է այն փողոցը կամ հրապարակը, որտեղ գտնվում է Emilio Pucci խանութը, օրինակ՝ Հռոմի Պյացա դե Սպանյան, Փարիզի Ավենյու Մոնտենը կամ Նյու Յորքի Մեդիսոն Ավենյուն:
Ապագայում բրենդը ծրագրում է թողարկել թաշկինակներ այլ քաղաքների նկարազարդումներով:
Աքսեսուարները կվաճառվեն հատով կամ հավաքածուի մեջ:
