Թբիլիսիի քաղաքային դատարանն այսօր 3 տարվա ազատազրկման է դատապարտել ճաղերի հետևում պատիժ կարող Վրաստանի նախկին վարչապետ, ներքին գործերի նախկին նախարար Վանո Մերաբիշվիլիին՝ «Վրաստանի միացյալ բանկի» աշխատակից Սանդրո Գիրգվլիանիի սպանության գործով պաշտոնական լիազորությունների գերազանցման մեղադրանքով: Այս մասին հայտնում է RIA Novosti-ն:
Դատավճռի ընթերցումը հեռարձակվել է վրացական հեռուստաալիքներով:
Սպանության գործը քննվել է մի քանի ամիս:
Վճիռ է կայացվել նաև Վրաստանի ՆԳՆ 3 նախկին պաշտոնյաների դեմ: Գերոնտի Ալանիան, Վալերիան Մետրեվելին և Օլեգ Մելնիկովը դատապարտվել են 4.5 տարվա ազատազրկման:
Թբիլիսիի քաղաքային դատարանն ընթացիկ տարվա փետրվարի վերջին Մերաբիշվիլիին մեղավոր էր ճանաչել ծառայողական լիազորությունների գերազանցման համար և դատապարտել 4.5 տարվա ազատազրկման:
Մերաբիշվիլին ևս մեկ պատիժ է կրում Քութայիսիի քաղաքային դատարանի որոշմամբ, որով նա 5 տարվա ազատազրկման էր դատապարտվել օտար գույքի յուրացման և ՆԳՆ միջոցների ծախսման, ընտրողներին կաշառելու և ծառայողական դիրքը չարաշահելու համար:
Թբիլիսիի դատարանում ևս երկու գործ է քննվում նրա կողմից ծառայողական լիազորությունների գերազանցման վերաբերյալ: