Գրող Ռիչարդ Փրեսթոնը որոշել է վերաշարադրել Էբոլա տենդի բռնկման մասին «Թեժ գոտի» վեպը, որի հիման վրա Ռիդլի Սքոթը որոշել է մինի սերիալ նկարահանել, գրում է NY Times-ը:
Փրեսթոնը «Թեժ գոտին» հրատարակել էր 1994-ին: Այն վաճառվել էր 3,5 մլն օրինակով: Վերջին շրջանում Էբոլայի բռնկման պատճառով Աֆրիկայում գրքի նկատմամբ հետաքրքրությունը մեծացել է՝ վաճառվել է գրքի ևս 150 հազար օրինակ:
«Հիմա ես տենչում եմ նորացնել վեպը: Ցանկանում եմ վիրուսի կլինիկական պատկերը ավելի հստակ ու ճշգրիտ ներկայացնել: Օրիգինալում բուժքույրերից մեկը արյուն է լացում, սակայն դա տեղի չի կարող ունենալ»,- ասել է գրողը:
Նա ծրագրում է հիշատակել Էբոլայի բռնկման դեպքեր, որ տեղի են ունենում վերջին 20 տարում:
Փրեսթոնի խոսքով՝ «Թեժ գոտու» էկրանավորման իրավունքը Fox-ը ձեռք էր բերել դրա հրապարակումից հետո:
