Բրիտանական հատուկ ծառայությունները մշտապես հետևում են արքայազն Չարլզի խոհարարներին՝ մտավախություն ունենալով, որ նրան կթունավորեն: Այս մասին գրում է The Mirror-ը՝ վկայակաչելով արքայազնի անձնական նախկին խոհարար Աթուլ Կոչհարին:
«Արքայազն Չարլզը երբեք չի գանգատվել, չէ՞ որ նա ջենթլմեն է և միշտ ուտում է այն, ինչ իրեն մատուցում են, և շնորակալություն է հայտնում: Երբ մենք նրա հետ ծանոթացանք, պարզվեց՝ նա շատ բարի մարդ է, և գովաբանեց ինձ»,- ասել է նախկին խոհարարը:
Այնուամենայնիվ, նա նշել է, որ գահաժառանգի համար ուտեստ պատրաստելիս հատուկ գործակալը միշտ հետևել է իրեն:
«Սա հիշեցնում է միջնադարյան ավանդույթը, երբ թագավորական ընտանիքի անդամների սնունդը փորձում էին՝ ստուգելու համար այն թունավորվա՞ծ է, թե՞ ոչ»,- ընդգծել է Կոչհարը:
