Հետազոտողների միջազգային թիմը եկել է այն եզրակացության, որ հնագույն ձկները, որոնք ապրել են 385 մլն տարի առաջ և հայտնի են Microbrachius dicki լատինական անվանումով, եղել են կենդանի օրգանիզմների առաջին տեսակը, որոնք վերարտադրողականության համար, ձվադրման փոխարեն, կիրառել են սեքսը: Այս մասին հայտնում է BBC-ն:
Այդ ձկներն ունեցել են մոտ 8 սմ երկարություն և ապրել են լճերում՝ ներկայիս Շոտլանդիայի տարածքում:
Հարաբերությունները կատարվել են արուի Г ձև ունեցող կցորդի օգնությամբ:
Ինչպես հաստատում են գիտնականները՝ հետագա էվոլյուցիայի ընթացքում պարադոքսալ կերպով ձկան այդ տեսակը վերադարձել է ձվադրման: Անցել է մի քանի միլիոն տարի՝ մինչև զուգավորումը, որպես վերարտադրողական միջոց, ի հայտ է եկել շնաձկների նախնիների մոտ:
Այդ տեսակի ձկան բրածոները բավականին հաճախ են հանդիպել գիտնականներին: Նրանք զարմացած են, որ հայտնագործությունն ավելի վաղ չէր արվել: