Հյուսիսային պողոտայի նախկին բնակիչներն այսօր հավաքվել էին կառավարության մոտ՝ պահանջելով 10 տարի առաջ կորցրած բնակարանների գումարները: Աբովյան 1 հասցեի նախկին բնակիչ Ռիմա Նազարյանը ամոթանք տվեց իշխանություններին. «Ամո՛թ իրենց, հազա՛ր ամոթ, լսեք ու մեռեք. սաղ լավ ապրում են, մեզ թողել են դուրսը: Ինչո՞վ եմ մեղավոր, որ տո՞ւն եմ ունեցել… Իրենք մեծեր չունե՞ն, չե՞ն ամաչում: Թող գետինը մտնեն, մի առողջ սիրտ ունեի, էն էլ շարքից դուրս եկավ»:
Բնակիչներից մեկն էլ նշեց, որ դեռ պարզ չէ՝ Հովիկ Աբրահամյանը վարչապետ կմնա՞, թե՞ ոչ, և դրա համար վարչապետը իրենց հետ հիմա չի զրուցի:
«Քաղաքապետն ընդունեց ու մերժեց, ասաց՝ ես ի վիճակի չեմ ձեր հարցերը լուծել, դիմեք նախագահին: Դիմում ենք նախագահին, ասում է՝ քաղաքապետարանը պետք է այս հարցը լուծի»,- ասացին բնակիչները:
Բուզանդի 9 հասցեի նախկին բնակիչ Քնարիկ Առաքելյանը «Առաջին լրատվական»-ի հետ զրույցում նշեց, որ Երվանդ Զախարյանն ու Քոչարյանը ամբողջ կենտրոնի հերն անիծեցին, բոլոր մշակութային շենքերը քանդեցին և իրենց հիմար շենքերը կանգնեցրին:
«Զախարյանը լափեց-կերավ, տարան էներգետիկայի նախարար: Մեր ամբողջ կյանքը նա կերավ, սրանցից ի՞նչ ես ուզում, սրանք միայն իրենց հարցերն են լուծում, գող են, ավազակ և կրիմինալ»,- հավելեց նա:
Ավելին՝ տեսանյութում: