Thursday, 28 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Խորապես հիասթափված եմ Հայաստանի խորհրդարանական դիվանագիտությունից. Էդմոն Մարուքյան

«Առաջին լրատվական»-ի զրուցակիցն է ԱԺ անկախ պատգամավոր Էդմոն Մարուքյանը:

– Պարոն Մարուքյան, նախատեսվում է, որ հոկտեմբերի 10-ին Հայաստանը ստորագրելու է Եվրասիական տնտեսական միությանն անդամակցելու մասին պայմանագիրը: Եթե իսկապես ՀՀ-ն դառնա ԵՏՄ անդամ, ինչպե՞ս են կարգավորվելու Վրաստանի հետ մեր տնտեսական հարաբերությունները: Չէ՞ որ Հայաստանի ապրանքաշրջանառությունը հիմնականում այդ երկրի տարածքով է անցնում, իսկ Վրաստանն էլ դառնում է եվրոպական տնտեսական տարածքի մաս և աշխատելու է տնտեսական այլ գոտում: Այս առումով ի՞նչ խնդիրներ է մեր երկիրն ունենալու:

 – Ես կարծում եմ, որ Վրաստանը գերտերություններից՝ Միացյալ Նահանգներից կամ Ռուսաստանից էլ կարևոր երկիր է մեզ համար: Եվ Վրաստանը դառնում է եվրոպական տնտեսական տարածքի մի մաս, Հայաստանը՝ Եվրասիական տնտեսական միության տարածքի մի մաս: Այս տարածքները միմյանց նկատմամբ պատժամիջոցներ են կիրառել: Եթե պատժամիջոցներ են կիրառվում ՌԴ նկատմամբ, դա իր ազդեցությունն է ունենալու ԵՏՄ-ի վրա: ՌԴ-ի, ինչպես նաև Հայաստանի, Բելառուսի, Ղազախստանի տարածքներն այլևս համարվելու են ԵՏՄ տարածք: Մյուս կողմից` Վրաստանը պարտավոր է այդ պատժամիջոցներն իր տարածքում կիրառել, որովհետև դառնալու է եվրոպական տնտեսական տարածքի մի մաս և պարտավոր է կատարել Բրյուսելում կայացված որոշումները: Այս պարագայում մեզ մի բան է մխիթարում՝ Վրաստանի հետ ունենք դարավոր շատ բարձր մակարդակի վրա գտնվող հարաբերություններ:

 – Այս օրերին Աժ նախագահ Գալուստ Սահակյանի գլխավորությամբ Հայաստան-Վրաստան միջխորհրդարանական հանձնաժողովն է մեկնել Վրաստան: Դուք այդ հանձնաժողովի անդամ եք, եթե այդքան կարևորում եք մեր երկու երկրների հարաբերությունները, ինչո՞ւ Դուք էլ չեք մեկնել: Միգուցե Ձեր նշած հարցերի շուրջ էլ քննարկումներ կլինեին:

 – Պատվիրակության հետ չեմ գնացել, որովհետև տեղեկացված չեմ եղել, որ նման այց կա և նման հանդիպում ունենք:

 – Այսինքն` պատվիրակությունը գնացել է առանց բոլոր անդամներին տեղյակ պահելո՞ւ կամ հրավիրելո՞ւ:

 – Այո՛, պատվիրակությունը գնացել է առանց անդամներին տեղյակ պահելու: Գոնե ինձ տեղյակ չի պահել, ես նկարներով եմ տեսել, որ պատվիրակության անդամներն այնտեղ են և մամուլից տեղեկացա, որ այսօր Հայաստան-Վրաստան միջխորհրդարանական հանձնաժողովը նիստ է գումարում մեր այնտեղի գործընկերների հետ:

 – Իսկ ինչո՞ւ Ձեզ չեն հրավիրել:

– Ես որևէ տեղեկություն չունեմ, թե ինչու ինձ չեն հրավիրել, ես պատրաստվում եմ դա ճշտել: Բայց գիտեք, ինձ մոտ այնպիսի տպավորություն է, որ պատգամավորների միջև կա խտրական վերաբերմունք, որը դրվում է ԱԺ ղեկավարության կողմից: Այսինքն` տարբեր այցերի ժամանակ հնարավորինս ներգրավվում են այնպիսի մարդիկ, ովքեր խմբակցություններ են ներկայացնում: Ես՝ որպես խմբակցություններում չընդգրկված պատգամավոր, առանց այդ էլ ներգրավված չեմ խորհրդարանական պատվիրակություններում, հանձնաժողովներում, խմբերում: Ես ընդգրկված եմ Հայաստան-Վրաստան հանձնաժողովում, բայց հանձնաժողովը մեկնում է Վրաստան հանդիպումների, ու հանձնաժողովի անդամը չի տեղեկացվում ու չի մասնակցում դրան: Այս խնդիրը ավելի շատ սրվել է ԱԺ ղեկավարության փոփոխությունից հետո, որովհետև այն ժամանակ նման խնդիր չի եղել: Ավելին ասեմ` խորհրդարանական դիվանագիտության հետ կապված ինձ մոտ շատ լուրջ հիասթափություն կա: Այս 2,5 տարվա աշխատանքից հետո տպավորություն ունեմ, որ երիտասարդ, լեզուներ իմացող սերնդի պոտենցիալը, որ հնարավոր է խորհրդարանում օգտագործել, չի օգտագործվում: Նշանակություն չունի, թե այդ մարդիկ որ խմբակցությունից են:

 – Միգուցե երիտասարդ պատգամավորական փորձը չի՞ բավարարում:

– Ի՞նչ է նշանակում պատգամավորական փորձ: Դա նախագծերո՞վ է հաշվվում, թե՞ տարիներով:

– Տարիների աշխատանքը, ի վերջո, փորձառություն է:

– Ամեն դեպքում այդ մարդկանց ներուժը չօգտագործելով՝ խորհրդարանական դիվանագիտության արդյունքները չեն երևում: Այնպես չէ, որ դուք առաջին գումարման պատգամավոր եք և իրավունք չունեք մասնակցելու խորհրդարանական դիվանագիտության աշխատանքներին, ձեզ պետք չի ուղարկել Եվրախորհուրդ, պետք չի ուղարկել Եվրամիություն:

 – Այսինքն` սերունդների ոչ համերաշխության խնդի՞ր կա:

– Սերնդափոխության հարցեր կան: Հարցեր կան, որ մեր պետականաշինությանն են խանգարում:

– Ավագ սերնդի ներկայացուցիչները չե՞ն հանդուրժում երիտասարդ սերնդի ներկայացուցիչներին:

– Չեմ կարող ասել, բայց իրականում ունենք այն, ինչ ես ասացի: Ես կարծում եմ, որ եթե մարդ ունի պոտենցիալ և ամբիցիաներ, ապա նրա առաջընթացին դժվար է խոչընդոտել` անկախ այն հանգամանքից, թե նա որ սերնդից է, և ով է ուզում խոչընդոտել: Ուղղակի սրանք պրիմիտիվ մեթոդներ են: Եթե այս նիստերին մասնակից չդարձնելը կամ ինչ-որ կերպ խտրական վերաբերմունք ցուցաբերելը ճնշման մեթոդ է, ապա ես պետք է ասեմ, որ սա պարզունակ մեթոդ է:

– Անցած շաբաթ հայտնի դարձավ, որ ԵԽԽՎ-ում ընդունվեց «ԼՂՀ-ում և Ադրբեջանում բռնությունների ահագնացումը» անվանումը կրող մի բանաձև, որը Հայաստանի պատվիրակները չկարողացան ձախողել: Ձեր կարծիքով` մեր պատվիրակությունը կարո՞ղ էր կանխել թեկուզ բանաձևի վերնագրի հաստատումը:

– Ես կարծում եմ, որ դա միայն պատվիրակության խնդիրը չէ: Մենք այնտեղ դեսպան ունենք, կազմակերպություններ կան, որ մեզ աջակցում են, բարեկամական պատգամավորներ, խմբեր կան, և այդ բոլորը, ինչպես նաև պատվիրակությունը, պետք է միասին աշխատեին ու այնպես անեին, որ հարցը չհասներ այդ փուլին: Այսինքն` այնպիսի աշխատանք տարվեր, որ դրա դեմն առնվեր: Կամ լավագույն դեպքում, գոնե զեկույցն այդ վերնագրով չլիներ, ինչ-որ անշառ տարբերակ լիներ:

– Այս դեպքում միգուցե իսկապես ադրբեջանական խավիարը կամ գումարները մեծ դեր են խաղացել, ինչպես ներկայացնում են Հայաստանի գործիչները:

– Անընդհատ դա ասվում է՝ ադրբեջանական խավիարը, փողերը: Այո, դա կա, այդ լոբբինգը կա: Կա նաև կաշառք տալու և իրենց լոբբինգով զբաղեցնելու արատավոր պրակտիկան, որն արդեն ավանդույթ է դառնում եվրոպական որոշ կառույցներում: Բայց ամեն ինչ բարդել խավիարի վրա, կարծում եմ, անարդար է: Այսինքն` մենք լավ էինք աշխատում, բայց որ ադրբեջանցիները կաշառում են, դրա համար մեր գործերը վատ են գնում: Պետք է մտածել, թե մեր ընդհանուր դիվանագիտական կորպուսը ի՞նչ վիճակում է գտնվում և դրանից հետևություններ անել:

Բաժիններ
Ուղիղ
Լրահոս
Որոնում