Մասնագետները պնդում են, որ պոպուլյացիայի ներսում յուրաքանչյուր շնաձուկ օժտված է անհատականությամբ, և նրանք իրար հետ կապված են սոցիալական ցանցերով: Կենսաբաններն իրենց աշխատանքի արդյունքները հրապարակել են Behavioral Ecology and Sociobiology ամսագրում:
Scyliorhinus canicula շնաձկան պոպուլյացիայի հետազոտությունը ցույց է տվել, որ այդ ձկները բավական բարդ սոցիալական կազմակերպություն ունեն: Հետաքրքիր է, որ պոպուլյացիայում կան հատուկ մենակյացներ, որոնք ասոցիալ կենսակերպ են վարում, մինչդեռ այլ շնաձկներ իրար հետ կապված են սոցցանցերով:
Սոցիալական շնաձկներն ու միայնակները որսի տարբեր ռազմավարություն ունեն: Միայնակներին բնորոշ է շրջակա միջավայրին հարմար կամուֆլյաժային գունավորումը, իսկ սոցիալական տեսակները միասին են գործում: Ըստ գիտնականների՝ շնաձկների սոցիալական ցանցերը պահպանվում են նույնիսկ այն դեպքում, երբ ձկները բնակության այլ վայր են տեղափոխվում:
