Կենտրոն և Նորք-Մարաշ վարչական շրջանների ընդհանուր իրավասության դատարանում Արշակ Վարդանյանի նախագահությամբ շարունակվում է Վազգեն Խաչիկյանի ու մյուսների գործով դատական քննությունը:
Այսօր հրապարակվեց մեղադրական ճառը: Մեղադրանքի կողմը միջնորդեց Վազգեն Խաչիկյանին դատապարտել 13 տարի ազատազրկման՝ գույքի բռնագրավմամբ, Աշոտ Աբրահամյանին՝ 6 տարի 6 ամիս, Հովհաննես Գրիգորյանին՝ 6 տարի 2 ամիս, Վիգեն Գևորգյանին՝ 4 տարի 6 ամիս, Վահագն Խաչատրյանին՝ 5 տարի 6 ամիս, Սամվել Էլբակյանին՝ 5 տարի, Հովհաննես Հովհաննիսյանին՝ 5 տարի 6 ամիս, Սարգիս Սարգսյանին՝ 4 տարի 7 ամիս, Արթուր Սուքիասյանին՝ 4 տարի 6 ամիս, Համլետ Մարտիրոսյանին, Բագրատ Մուրադյանին, Արմեն Խաչատրյանին՝ 4-ական տարի ազատազրկման: Միակ կին ամբաստանյալին ՝ Հրանուշ Դանիելյանին դատապարտել 4 տարի ազատազրկման, պայմանական դատապարտություն կիրառել, սահմանել 1 տարի փորձաշրջան:
Ըստ մեղադրանքի՝ Վազգեն Խաչիկյանը՝ ՀՀ աշխատանքի և սոցիալական հարցերի նախարարության սոցիալական ապահովության պետական ծառայության նախկին պետը և նրա կողմից կազմակերպված կայուն, համախմբված, կարգապահ խումբը, յուրացման եղանակով հափշտակել է ընդհանուրը՝ 260 միլիոն 956 հազար 681 դրամ: Բացի այդ, Վազգեն Խաչիկյանը խարդախությամբ հափշտակել է պետբյուջեի վերականգնման ենթակա 29 միլիոն դրամը:
Լուսանկարը՝ Photolure-ի