Մոլորակի ամենահարուստ մարդկանց ցուցակը համալրվել է 27 ամերիկացի միլիարդատերով: Այս մասին գրում է Forbes ամսագիրը, որն ամեն տարի հրապարակում է ամենահարուստ մարդկանց վարկանշային ցուցակը:
Ինքնուրույն ձեռք բերված 1 մլրդ դոլար և ավելին ունեցող «նորեկների» Forbes-ի ցուցակում առաջինը ծնունդով ուկրաինացի Յան Կումն է՝ 7,7 մլրդ դոլար կարողությամբ, որը 62-րդն է ամենահարուստ մարդկանց ցուցակում: Նա 2009թ. ստեղծել է WhatsApp բջջային մեսենջերը, որն այսօր ամենատարածվածն է աշխարհում:
Ամերիկացի նոր միլիարդատերերի ցուցակում երկրորդը Էլիզաբեթ Հոլմսն է՝ 4,5 մլրդ դոլար ունեցվածքով: Theranos ընկերությունը հիմնած 30-ամյա Հոլմսն ամենաերիտասարդ կին միլիարդատերն է Forbes-ի վարածով: Երրորդ տեղում Բրայան Էքթոնն է՝ 3,4 մլրդ դոլար: Պաշտոնապես նա եղել է WhatsApp-ի առաջին ներդրողը:
Նշված են նաև Էվան Ուիլյամսը (3,1 մլրդ դոլար), որը ստեղծել է Blogger և Medium բլոգ-հարթակները, Թրևիս Քալանիքը (3 մլրդ դոլար)՝ Uber ծառայության մշակողը, Հարի Սթայնը (2,5 մլրդ դոլար)՝ հաջողակ ֆերմեր Այովայից, որը սոյայի և եգիպտացորենի յուրահատուկ սորտեր է բերել:
Ցուցակում հաջորդը Դուգլաս Լիոնն է՝ 2,2 մլրդ դոլարով, որը նախկինում զուգարան մաքրող է եղել, ապա՝ Ուիլյամ Էքմանը (1,6 մլրդ դոլար), հաջողակ դևելոփեր Դևիդ Վալենթարը՝ 1,7 մլրդ դոլար: Երիտասարդ միլիարդատերերից տասներորդ տեղում Ջոն Յարբրոն է, որը 1,6 մլրդ դոլար է վաստակել սեղանի վրայի ֆուտբոլի համար սեղանների կոմերցիոն օգտագործման և իր Video Gaming Technologies ընկերությունում տեսախաղերի ստեղծման շնորհիվ: