Ցանցահենների գործողություններից տուժած հոլիվուդյան դերասանուհիների փաստաբանները սպառնում են Google կորպորացիայի դեմ 100 մլն դոլարի պահանջով հայց ներկայացնել: Այս մասին հայտնում է The New York Post-ը:
Նրանք պնդում են, որ ինտերնետ-ընկերությունը չի կարողացել ջնջել հայտնիների բաց կամ անձնական լուսանկարները, ինչի շնորհիվ ինքը «միլիոններ է վաստակում կանանց զոհելու հաշվին»:
Ավելի վաղ ցանցահենները համացանցում տեղադրել էին հոլիվուդյան մի շարք հայտնիների ինտիմ լուսանկարներ:
Հիմա հոլիվուդյան հայտնի իրավաբան Մարթի Սինգերը, որը ներկայացնում է տասից ավելի տուժած հայտնի կանանց շահերը, նամակ է գրել Google-ի հիմնադիրներ Լարի Փեյջին և Սերգեյ Բրինին, նաև կորպորացիայի տնօրենների խորհրդի նախագահ Էրիկ Շմիդտին և ընկերության փաստաբաններին: Նա Google-ին մեղադրում է «էթիկայից դուրս վարքի համար»:
