Հետազոտողները պարզել են բրիտնական «Էրեբուս» նավի խորտակման վայրը: Այն եղել է Ջոն Ֆրանկլինի հրամանատարության ներքո իրականացված բրիտանական արշավի երկու նավերից մեկը: Ֆրանկլինը մահացել է XIX դարի կեսերին Արկտիկայում: Այս մասին, ինչպես հայտնում է Associated Press-ը, խորհրդարանում հայտարարել է Կանադայի վարչապետ Սթիվեն Հարփերը:
Նավերից մեկի լավ պահպանված կմախքը հայտնաբերվել էր դեռևս սեպտեմբերին: Մի քանի շաբաթ է տևել՝ պարզելու, թե երկու նավերից որ մեկն է հայտնաբերվել՝ «Էրեբո՞ւսը» թե՞ «Տեռորը»:
Նավի բեկորները գտնվում են 11 մետր խորության վրա՝ Քինգ-Ուիլյամ կղզու մոտ, որը Տորոնտոյից 2000 կմ է հեռու, հյուսիս-արևմուտքում:
Ֆրանկլինի ղեկավարած արշավախումբը՝ 129 զինվորով ու սպաներով, 1845 թվականին ուղևորվել էր ծովային ուղի՝ Ատլանտյան օվկիանոսից Խաղաղ օվկիանոս՝ Հյուսիսային Ամերիկայի հյուսիսային ափի երկայնքով:
1848 թվականին նավերը հայտնվել էին սառույցներով շրջափակման մեջ: Անձնակազմը լքել էր նավերը՝ ձգտելով հասնել քաղաքակիրթ վայրերի, սակայն նրանցից ոչ մեկին չէր հաջողվել ողջ մնալ:
Հարփերի կառավարությունը մի քանի միլիոն դոլար էր հատկացրել նավերի որոնմանը:
Երկրորդ նավը դեռևս չի հայտնաբերվել: