Մյունխենի «Բավարիա»-ի գլխավոր տնօրեն Կառլ Հայնց Ռումենիգեն իր կարծիքն է հայտնել այն մասին, թե ֆուտբոլիստներից ով է ավելի շատ արժանի ստանալ «Ոսկե գնդակ»-ը:
«Նոյերը «Ոսկե գնդակ»-ի արժանանալու թեկնածու է: Ինչպես նաև Մյուլլերն ու Ռոբենը: Կարծում եմ` «Ոսկե գնդակ»-ին պարտավոր է «Բավարիա»-ի ֆուտբոլիստ արժանանալ: Վերջին երկու տարիների ընթացքում մենք ութ տիտղոս ենք նվաճել: Իսկ եթե հաշվի առնենք աշխարհի առաջնությունն, ապա Նոյերը, Մյուլլերը, Լամը հիանալի խաղացին:
Վստահ եմ, որ ՖԻՖԱ-ն և նրա կազմում ընդգրկված երկրները կապացուցեն, թե որքան մեծ նշանակություն ունի աշխարհի առաջնությունը: Կմտահոգվեմ, եթե «Ոսկե գնդակ»-ի արժանանա այլ ֆուտբոլիստ»,- Bild-ը մեջբերում է Ռումենիգեի խոսքերը: