Ճապոնիայում շատ տարածված է մրգերին ու բանջարեղենին ինչ-որ ձև հաղորդելու արվեստը: Չինաստանն այս առումով հեռուն է գնացել՝ դրանց տալով մարդկային կերպարանքներ: Արվեստը հասանելի է դարձել բոլորին: Այս տարի չինական խանութներում հայտնվել են Բուդդայի, Սանտա Կլաուսի և Մաո Ցզեդունի կերպարանքով կաղապարներ, որոնք կարող են կիրառվել դդմիկ ու դդում աճեցնելիս: Այս մասին հայտնում է kedem-ը:
Այդ կաղապարները մշակել է ֆերմեր Կսի Լիու Ժին: Բուդդայական տաճար այցելելիս նա մտածել է, որ վատ չէր լինի, եթե դդումները մարդկանց հիշեցնեին որևէ մեծության մասին:
Նա պլաստիկե կաղապարներ է ստեղծել Չինաստանում հարգված անձանց կերպարով և դրանց զանգվածային արտադրություն սկսել: Ֆերմերները բարձր են գնահատել նրա «գյուտը»:
