Լեհաստանի խորհրդարանի ստորին պալատի՝ Սեյմի պատգամավորները քվեարկել են նոր կառավարության վարչապետ Եվա Կոպաչի վստահության օգտին: Նրա թիմին աջակցել է 259 պատգամավոր, դեմ են արտահայտվել 183-ը, ձեռնպահ են մնացել 3-ը: Այս մասին հաղորդում է ITAR-TASS-ը:
Ավելի վաղ Կոպաչը պատգամավորների առջև ծրագրային ելույթ է ունեցել՝ խոստանալով համագործակցել ընդդիմության հետ, հոգալ երկրի անվտանգության համար՝ Ուկրաինայի իրադարձությունների կոնտեքստում, աջակցել ձեռնարկատերերին, ովքեր տուժել են Ռուսաստանի պատասխան պարենային արգելքներից, և զարգացնել հարաբերություններն ԱՄՆ-ի հետ: Բացի դրանից՝ նա պարտավորվել է արագացնել աշխատանքը հանրապետության լեռնաարդյունահանման ոլորտում խնդիրների լուծման ուղղությամբ:
Ինչպես նշում են փորձագետները, չնայած ներկա կաբինետը պետք է աշխատի ընդամենը մեկ տարի՝ մինչև 2015-ի աշնանը կայանալիք հերթական խորհրդարանական ընտրությունները, Կոպաչն իր ելույթում հետապնդել է հեռանկարային՝ մի քանի տարվա նպատակներ:
