Վրաստանի ազգային թանգարանի և Գերմանիայի հնագիտական ինստիտուտի Եվրասիայի մասնաճյուղի համատեղ միջազգային արշավախումբը կացարանային և տնտեսական շինություններ են հայտնաբերել Վրաստանի Արխուլո քաղաքի շրջանում: Շինությունները թվագրվում են մ.թ.ա VI հազարմայակին: Այս մասին գրում է RIA NOVOSTI-ն:
«Հատկապես պետք է նշել հնագույն բնակավայրում տարօրինակ ձևի ջրանցքները, որոնց նշանակությունը տեղադրության պատճառով տվյալ փուլում մասնագետներին հայտնի չէ: Հնագիտական աշխատանքների ընթացքում արշավախումբը հայտնաբերել է աշխատանքային և տնտեսական գործիքներ` պատրաստված քարից, ոսկորից և եղջյուրից: Դա վկայում է այն մասին, որ տվյալ շրջանում այստեղ արդեն զարգացած են եղել անասնաբուծությունը, երկրագործությունը և արհեստագործությունը»,- ասվում է Ազգային թանգարանի հաղորդագրությունում: