Լեհ Սիլվեստեր Վարդենգան իր ոչ մեծ սև շանը սարդի հագուստ է հագցրել և նրան բաց է թողել Վարշավայի փողոցներով և չորս րոպեանոց տեսանյութ է նկարահանել, գրում է vesti.ru-ն:
Սյուժեի համաձայն, շուն-սարդը ուշ երեկոյան հարձակվում է ոչինչ չկասկածող մարդկանց վրա: Տեսարաններից մեկում երիտասարդ զույգը ծառերի վրա մարմինների մասեր է տեսնում և սարսափահար փախչում է շուն-սարդից, մյուսում՝ երիտասարդը ստորգետնյա անցումում բախվում է մսի կտորների հետ և վազելով փախչում շուն-սարդից: Դատելով ամեն ինչից՝ կարելի է ասել, որ տեսանյութը թաքնված տեսախցիկներով է նկարահանվել:
Facebook-ի իր էջում Վարդենգան գրել է. «Մեծ շուն-սարդը շատ վտանգավոր մարդասպան է: Զգուշացեք դրանից, երբ զբոսնում եք գիշերով: Լուրեր են պտտվում, թե դրա թույնը մարդկանց Սուպերմենների է վերածում»:
Մինչդեռ Լեհաստանի դատախազությունը տեսանյութերի հեղինակին ծանուցում է ուղարկել, որի մեջ նշված հոդվածը մինչև երեք տարվա ազատազրկում է նախատեսում:
