«Պետք է խոստովանեմ, որ բանակցություններն ընթանում են շատ ծանր, կառավարությունը պնդում է իր տեսակետը, մեր առաջարկություններից որևէ մեկը չի ընդունվում»,- ֆինանսների նախարար Գագիկ Խաչատրյանի հետ հանդիպումից հետո լրագրողների հետ զրույցում ասաց «Բարգավաճ Հայաստան» խմբակցության պատգամավոր Միքայել Մելքումյանը։
Հիշեցնենք. պատգամավորները ֆինանսների նախարարի հետ քննարկում էին Շրջանառության հարկի մասին օրենքի ու առևտրականների մոտ դրա առաջացրած դժգոհությունների հետ կապված հարցերը։ Մելքումյանը նաև ասաց, թե քննարկել են մի քանի տարբերակներ, անգամ հարց են բարձրացրել, որ մեկ եռամսյակ՝ մինչև հունվարի 1-ը, հարկային մարմինները որևէ ստուգում չկատարեն փոքր ու միջին բիզնեսում՝ բացառությամբ շատ ռիսկային դեպքերի։
Ֆինանսների նախարարի հետ խորհրդարանականների քննարկումը կշարունակվի վաղը առավոտյան։