Consumer Reports պորտալի հետազոտողները պարզել են, թե ինչ կայուն ճնշման տակ է դեֆորմացվում նոր iPhone-ը, և դա համեմատել են այլ հայտնի ֆլագմանական սմարթֆոնների ցուցանիշների հետ:
Սմարթֆոնի կենտրոնին տարբեր ուժով սեղմող Instron մեքենայի միջոցով թեստերից հետո հետազոտողները պարզել են, որ iPhone 6-ը և HTC One M8-ն ամենից հեշտն են ճկվում՝ դրանց դեֆորմացիայի համար բավարար է եղել մոտ 31.7 կգ ծանրության կայուն սեղմումը: Դրանց հաջորդում են iPhone 6 Plus-ը, որը դեֆորմացվել է 40.8 կգ-ի դեպքում, LG G3-ը՝ 59 կգ: Փորձարկված սմարթֆոններից ամենաամուրը եղել է Galaxy Note 3-ը, որը դիմացել է մինչ 68 կգ ծանրության: