«Հելել-ցրվել են փողոցներ, իրենք ընդեղ են գոռում, մենք ստեղ, ու որոշում չկա: Հիմա խնդիրն էն է, որ ժողովուրդ են, մեղք են, թող գնան իրենց գործին: Սաղ թողել են իրենց բանուգործն ու ընկել են էս քուչեքը: Ամոթ չի՞ բա: Էրեկ Հունաստանի պրեզիդենտն էր եկել, ըսնց բանե՞ր պիտի տեսներ: Սենց բան Հունաստանում շատ կա, խեղճ մարդը էկել էր մթոմ հանգստանար, էկավ-տեսավ՝ նույն վիճակն էստեղ է»,- լրագրողների հետ զրույցում ասաց Հանրապետական խմբակցության պատգամավոր, գեներալ Սեյրան Սարոյանը՝ անդրադառնալով «Շահութահարկի մասին» օրենքում կառավարության կատարած նոր փոփոխությունների դեմ ծավալված պայքարին:
Հարցին, թե այդ դեպքում ինչո՞ւ են իրենց իշխանական ընկերները նման օրենք ընդունել, Ս.Սարոյանը պատասխանեց. «Իշխանական ընկերները վատ բան չեն ասում, ասում են, որ ստվերը պետք է կորի, որ այս ստվերային տնտեսությունը պիտի վերանա, բայց նայում ես՝ կպնում է ժողովրդի ջեբին: Էս ա կռիվը: Մենք ասում ենք՝ ստվերային տնտեսությունը վերացնենք, կառավարությունն ուզում է ստվերային տնտեսությունը վերացնի, ասում եք, թե ժողովուրդն է մեղք: Կառավարությունն էլ չգիտի՝ ստվերային տնտեսությո՞ւնը վերացնի, թե՞ ժողովրդին մեղքա»,- պատասխանեց Ս.Սարոյանը: