Խաղաղության Նոբելյան մրցանակակիր, ԱՄՆ 39-րդ նախագահ Ջիմի Քրատերը այսօր տոնում է ծննդյան 90-ամյակը:
ԱՄՆ Դեմոկրատական կուսակցության ներկայացուցիչ Ջիմի Քարտերը ԱՄՆ նախագահական ընտրություններում հաղթեց 1976-ի նոյեմբերին: Նա հանրապետական Ջերալդ Ֆոսթերին գերազանցեց ընդամենը ձայների 2 տոկոսով:
Նախագահի պաշտոնում իր ժամկետի առաջին կեսի ընթացքում Քարտերը կողմնակից էր միջազգային հարաբերություններում լիցքաթափման:
Նրա արտաքին քաղաքականության առաջնայնություններից մեկը ԱՄՆ-ի ու ԽՍՀՄ-ի հարաբերությունների կարգավորումն էր:
Նրա վարչակազմի արտաքին քաղաքական հաջողություններից է 1978թ. կազմակերպված եգիպտա-իսրայելական գագաթնաժողովը Քեմփ-Դևիդում:
Քարտերի վարչակազմը վերականգնեց ԱՄՆ-ի և Կուբայի դիվանագիտական հարաբերությունները, վերականգնեց Չինաստանի հետ լայնամասշտաբ դիվանագիտական հարաբերությունները և Պանամայի ջրանցքը Պանամայի ինքնիշխանությանը հանձնելու պլանը:
Քաղաքական գործիչը, սակայն, իր երկրում առավել հայտնի դարձավ արդեն նախագահական լիազորությունների ավարտից հետո:
Քարտերն ԱՄՆ միակ նախագահն է, որը Խաղաղության Նոբելյան մրցանակ ստացավ 2002թ. Սպիտակ տնից հեռանալուց հետո, հայտնում է ITAR-TASS-ը:
