Բրիտանիայի Ֆոլքսթոն քաղաքում հայտնվել է փողոցային նակրիչ Բենքսիի նոր գրաֆիտին, հայտնում է The Telegraph-ը: Դատարկ պատվանդանին նայող տարեց ականջակալներով կնոջ պատկերն անցած հանգստյան օրերին պատը զարդարել է Փեյերս Փարք շրջանում: Աշխատանքի պաշտպանության համար անմիջապես թափանցիկ պլաստիկե էկրան են դրել:
Բենքսիի կայքում որպես աշխատանքի մեկնաբանություն նշվում է, որ գրաֆիտին ստեղծվել է Folkestone Triennial-ին՝ ժամանակակից արվեստի տեղական փառատոնին ընդառաջ: Փառատոնն անցկացվում է 2014-ի օգոստոսի 30-ից նոյեմբերի 2-ը: Փեյերս Փարքը փառատոնի հիմնական հրապարակն է:
Բենքսին բրիտանացի փողոցային նկարիչ է, որի ինքնությունը մինչ օրս հայտնի չէ: Նրա գրաֆիտիները սկսել են փողոցներում հայտնվել 1990-ական թթ. սկզբից: Ներկայումս Բենքսիի աշխատանքները գնահատվում են միլիոնավոր դոլարներ և զգալիորեն բարձրացնում են անշարժ գույքի գինը, որի վրա պատկերված են, ուստի դրանք փչացնելը «վանդալիզմ» է որակվում:
