ԱԺ այսօրվա նիստում, երբ ոչիշխանական պատգամավորները խորհրդարանական մեծամասնությանը հորդորում էին քննարկում կազմակերպել՝ «Շահութահարկի մասին» օրենքում այնպիսի փոփոխություն անելու, որ փոքր ու միջին ձեռներեցների դժգոհությունները փարատեն, բոլորի համար անսպասելի ելույթ ունեցավ ՀՀԿ-ական պատգամավոր Սեյրան Սարոյանը։
«Ասեք տենամ՝ ի՞նչ պտի խաբեք ժողովրդին: Տենում եմ՝ սաղիս մտքին կա, սաղս ուզում ենք՝ էդ գործն անենք, բայց չենք ուզում քննարկենք: Բերե՛ք, «կակռազ» սաղս նստած ենք, տղամարդավարի մի հատ քվեարկենք, որ չանցավ էդ օրենքը, պրծցնենք, մի հատ էլ մի տաս օր պետք ա քննարկենք, մի 20 օր էլ պիտի քվեարկենք: Մեղք ա էս ժողովուրդը, բերեք՝ էս մի անգամն էլ քվեարկենք տղամարդավարի, արեք՝ էս անգամ ժողովրդի սրտով անենք»։
Իսկ արդեն միջանցքում, լրագրողների հետ զրույցի ժամանակ, նա չբացառեց, որ առևտրականների շահերը պաշտպանող օրինագիծ կներկայացնի: