Շոտլանդացի հայտնի երգչուհի Էնի Լենոքսը հայտարարել է, որ Բեյոնսեն չպետք է ինքն իրեն ֆեմինիստուհի անվանի, քանի որ դա չի համընկնում բեմում նրա պահվածքի հետ:
«Ինձ ճիշտ հասկացեք, Բեյոնսեն հիանալի երգչուհի է, ինձ շատ են դուր գալիս նրա կատարումները, սակայն նա ֆեմինիզմից շատ հեռու է: Այսպես ասենք՝ Բեյոնսեն ֆեմինիզմի «լայթ տարբերակին» է հետևում»,- ասել է Լենոքսը:
Eurythmics խմբի մենակատարուհին նշել է նաև, որ շատ ժամանակից արտիստներ ֆեմինիզմն օգտագործում են իրենց ստեղծագործության նկատմամբ ուշադրություն առաջացնելու համար՝ բարձրագոչ արտահայտությունները իրական գործողություններով չամրագրելով:
Դրանից բացի Էնի Լենոքսը քննադատել է բեմի վրա և տեսահոլովակներում երգչուհիների հագուստի ոճը. «Ես կարծում եմ, որ ժամանակակից բեմական հագուստներն էժան և կոպիտ են: Հնարավոր է, ոմանց դա դուր է գալիս, ոմանք դա նորաձև և ծայրահեղ են համարում, քանի որ սեքսուալացված արվեստը միշտ էլ վաճառվում է: Ես դեմ չեմ, եթե հանդիսատեսը բավարարված է, սակայն լինում է, երբ հանդիսատեսը երեխաներից է բաղկացած լինում, իսկ այդ դեպքում նման վարքագիծը անթույլատրելի է»:
Էնի Լենոքսի համար քննադատության առիթ է հանդիսացել MTV VMA-2014-ին Բեյոնսեի ելույթը, որի ժամանակ երգչուհին օգտագործել է FEMINIST հոլոգրաման: