Օգոստոսին Maroon 5 կոլեկտիվը թողարկել է իր հինգերորդ ալբոմը, որը V (կարդացվում է Five) անունն է կրում: Ալբոմի ամենահայտնի ստեղծագործությունը՝ Animals-ը, այս ամսվա վերջին հասանելի է դարձել iTunes-ում: Նախօրեին հրապարակվել է երգի տեսահոլովակը:
Հոլովակի գլխավոր կանացի դերում հանդես է եկել խմբի ֆրոնթմեն Ադամ Լիվայնի կինը՝ Բեհաթի Փրինսլուն, գրում է Spletnik.ru-ն:
Դատելով Twitter-ում տեղադրված լուսանկարներից՝ կարելի է ենթադրել, որ մենք ականատես ենք լինելու արյունալի մի պատմության, սակայն հոլովակը բոլորովին էլ դրա մասին չէ, այն պատմում է ռոմանտիկ մի մսավաճառի մասին, որը տարվում է իր հաճախորդուհիներից մեկով և սկսում մոլագարի պես հետևել նրան:
