Ֆրանսիացի գիտնական Պասկալ Կոտը Լեոնարդո դա Վինչիի «Կզաքիսով տիկինը» (1489-1490) նկարի տակ գտել է թաքնված շերտեր: Այս մասին հայտնում է The Guardian-ը:
Նկարը հատուկ սարքով լուսավորելով՝ Կոտը հետազոտությունների 3 տարում գտել է 2 շերտ: Դրանցից մեկում կզաքիս չկա, մյուսում այն շատ ավելի փոքր է, քան վերջնական տարբերակում, նաև ունի մոխրագույն, ոչ թե սպիտակ մորթի:
Համարվում է, որ սպիտակ կզաքիսը՝ կտավում պատկերված Չեչիլիա Գալերանիի ձեռքին, խորհրդանշում է նրա սիրեկանին՝ Միլանի դուքս Լոդովիկո Սֆորցին, ով դա Վինչիի հովանավորն էր: Հենց նրան են շրջապատում անվանել Սպիտակ Կզաքիս:
