Հյուսիսիռլանդական Հոլիվուդ քաղաքի բնակիչը ԵՄ դրոշը շփոթել է «ինչ-որ արաբական դրոշի» հետ և այդ մասին հայտնել ոստիկանությանը: Այս մասին գրում է The Independent-ը:
Տեղի բնակիչը, ում տան վրա հայտնաբերվել է այն, պարզաբանել է, որ դա ԵՄ-ի դրոշն է, որը նա կախել է՝ ի պատիվ Ryder Cup մրցաշարում ամերիկացիների նկատմամբ եվրոպացիների հաղթանակում տեղացի գոլֆիստ Ռորի Մաքիլրոյի ավանդի: Նրա խոսքով՝ դեպքի վայր ժամանած երկու ոստիկանները սկզբում չեն ճանաչել դրոշը, սակայն ի վերջո ծիծաղել են խենթության վրա:
Ոստիկանություն զանգահարած մարդը ցանկացել է անհայտ մնալ՝ վախենալով Բելֆասթի ծայրահեղականների կողմից հարձակումներից:
Իր հերթին, Associated Press-ը հայտնում է, որ տեղի բնակիչը ԵՄ դրոշն ընկալել է ոչ թե արաբական երկրի, այլ որևէ ծայրահեղական կազմակերպության դրոշ: