Շաբաթ երեկոյան Գլենդելում վրաերթի դեպք է գրանցվել, ինչի հետևանքով զոհվել է գլենդելաբնակ 25-ամյա կին՝ Լորեն Յուբենքսը: Մեքենան նրան հարվածել էր ճանապարհն ապօրինաբար հատելու ժամանակ: Այսպիսով՝ Գլենդելում գրանցվել է այս տարի հետիոտնի մահվան 4-րդ դեպքը: Այս մասին հայտնում է Glendale News Press-ը՝ հղում անելով տեղի իշխանություններին:
Դեպքը տեղի է ունեցել Կորորադո բուլվարում: Մեքնան վարել է 67-ամյա գլենդելաբնակ կին, որը միանգամայն սթափ է եղել:
Ականատեսները վկայում են, որ դեպքը տեղի է ունեցել զոհի կողմից ճանապարհի անօրինական հատման հետևանքով: Փաստի առթիվ հետաքննություն է կատարվում:
Լորենին հոսպիտալացրել են, սակայն բժիշկներին չի հաջողվել փրկել նրա կյանքը:
Հունվարին վրաերթի զոհ էր դարձել 86-ամյա Աբրահամ Մեհրաբյանը, երեք ամիս անց համանման դեպք էր տեղի ունեցել 86-ամյա Անդրանիկ Մելքոնյանի հետ, հաջորդ ամիս վրաերթի հետևանքով զոհվել էր 67-ամյա Հարություն Բասմաջյանը: