Մեքսիկացին հայտնվել է Գինեսի ռեկորդների գրքում՝ որպես համաշխարհային խոշորագույն հավաքածուի (կապված «Հարի Փոթերի հետ») տեր: Այս մասին հայտնում է Associated Press-ը:
Մենահեմ Աշեր Սիլվա Վարգասը գրեթե 15 տարի հավաքում էր իրեր՝ կապված բրիտանացի գրող Ջոան Ռոուլինգի ստեղծած գրքի հետ:
Նրա հավաքածուն ներառում է երկու սենյակ, որտեղ հնարավոր է գտնել ամեն ինչ՝ սկսած կախարդական փայտիկներից ու խաղալիք ֆիգուրներից, վերջացրած Գրիֆինդորի շարֆերով ու կվիդիչ խաղի համար նախատեսված ավելների պատճեններով:
Գինեսի ռեկորդների գրքի ներկայացուցիչները հաշվել են 3097 առարկա, մինչդեռ նախորդ ռեկորդը կազմում էր 807 անուն: