Բարաք Օբամայի Գաղտնի ծառայության ներքին հաշվետվության համաձայն՝ ծառայության աշխատակիցիները անվտանգության համակարգում թույլ են տվել առնվազն 1000 սխալ՝ գրում է The National Review-ն:
Համապատասխան տեղեկությունը ԶԼՄ-ներում հայտնվել է Կոնգրեսում լսումների նախօրեին՝ նվիրված Օմար Գոնսալեսի հետ կապված միջադեպին: Նա այս ամիս՝ ավելի վաղ, դանակով զինված ներթափանցել էր Սպիտակ տան տարածք և հասցրել անցնել մի քանի սրահով, մինչև Գաղտնի ծառայության գործակալների կողմից բռնվելը: Մինչ ձերբակալությունը Օմարը հասցրել էր վնասազերծել կին գործակալներից մեկին:
Ներկայացուցիչների պալատի գլխավոր քննչական կոմիտեի ներկայացուցիչ, հանրապետական Ջեյսոն Չաֆեթզի խոսքով՝ երեքշաբթի կայանալիք լսումների ժամանակ կբացահայտվեն նոր մանարմասներ, որոնք կապացուցեն, որ անվտանգությունը գործակալների համար թիվ 1 առաջնահերթություն չէ:
Հանրապետականը կարծում է, որ 9/11-ից և դրան հաջորդած Գաղտնի ծառայության վերաձևավորումից հետո ծառայությունը դարձել է չափազանց քաղաքականացված: Դրա տնօրեններ են նշանակվում քաղաքական դրածոները, այլ ոչ թե պրոֆեսիոնալ զինվորականները: