«Վարչապետը խոշորի տեղը լավ գիտի, մենք գործ տվող չենք, ամբողջ ազգին ուզում են գործ տվող սարքել, մենք ոչ ոքի վատություն չենք ուզում անել»,- «Առաջին լրատվականի» հետ զրույցում ասացին Գնունու շինարարական շուկայի աշխատակիցները՝ ցույց տալով մեծաքանակ հնամաշ իրեր, որոնք փաստաթղթավորել հնարավոր չէ, նախ՝ որովհետև այդ իրերը ձեռքբերման ժամանակ պիտանի չեն լինում, մեծամասամբ տներից հին ապրանքներ են։ «Երկու-երեք հատ կպցնում ենք իրար, վերանորգում ենք, ապրանք է դառնում, դարձել ենք արհեստավոր»,- մանրամասնում էին առևտրականները:
Հնամաշ իրերի վաճառքով զբաղվողների շարքում հիմնականում երիտասարդներ են, որոնք ուղղակի այլ աշխատանք չեն գտնում: Առևտրականների խոսքով՝ երիտասարդները անընդհատ յուղի, մրի մեջ են՝ ի տարբերություն իշխանավորների երեխաների, որոնք ակումբներում հաճույք են վայելում:
Գնունու շուկայում հորդորեցին օրենքը չկիրառել։ «Չնայած, ի՞նչ եք ուզում էս երկրից, եթե նույն մարդուն կրկին Սյունիքի մարզպետ են նշանակում էս խուլիգանները»,- ասացին շուկայում:
Առավել մանրամասն՝տեսանյութում։