Ադրբեջանական salamnews.org կայքի փոխանցմամբ, ադրբեջանական փորձագետ, «Մուսավաթ» կուսակցության ներկայացուցիչ Սուլհադդին Ակպերն անդրադարձել է ղարաբաղյան հիմնախնդրի կարգավորմանը.
«Քանի դեռ Ռուսաստանը պահպանում է տարածաշրջանում իր ռազմական ներկայությունը, ղարաբաղյան հակամարտության կարգավորման հարցում չպետք է արմատական քայլեր ակնկալել: Դրա պատճառն այն է, որ ԵԱՀԿ Մինսկի խմբի 3 համանախագահներից մեկը հանդիսացող Մոսկվան այդ հակամարտության միջոցով ազդում է թե´ Ադրբեջանի, թե´ Հայաստանի վրա:
Միջազգային միջնորդներն առավել նպատակամղված են հակամարտությունների առաջացման կանխարգելմանը, քան դրանց լուծմանը:
Չնայած նրան, որ Ադրբեջանն ընդունում է մադրիդյան նորացված սկզբունքները, որոնք հակասում են մեր ազգային շահերին, Հայաստանը դեռ պաշտոնապես համաձայն չէ դրանց հետ:
Ես որպես տվյալ իրավիճակից դուրս գալու ելք եմ դիտարկում հատուկ ազգային հարթակի ստեղծումը, ուր Ադրբեջանի կառավարությունն ու ընդդիմությունը հանդես կգան ղարաբաղյան հարցի շուրջ միացյալ տեսակետով»: