Լեհաստանը հանդես է գալիս հօգուտ ՄԱԿ-ի բարեփոխման, սակայն չի տեսնում ուժեղ կոալիցիա, որը կկարողանա այն անցկացնել: Այս մասին հայտարարել է Լեհաստանի նախագահ Բրոնիսլավ Կոմորովսկին, ով ԱՄՆ է ժամանել՝ մասնակցելու Նյու Յորքում ՄԱԿ-ի Գլխավոր ասամբլեայի 69-րդ նստաշրջանին: Այս մասին հայտնում է ITAR-TASS-ը:
Նրա խոսքով՝ բոլորը խոսում են ՄԱԿ-ի բարեփոխման անհրաժեշտության մասին, սակայն չգիտեն ինչպես դա անել: «Լեհաստանը վճռականորեն կանգնում է նրանց կողքին, ովքեր կցանկանան բարեփոխել ՄԱԿ-ը, սակայն այսօր տեսանելի չէ որևէ կոալիցիա, որն ի վիճակի կլինի անցկացնել նման խորը բարեփոխումներ»,- նշել է Կոմորովսկին:
Լեհաստանի նախագահը վստահ է, որ ՄԱԿ-ը տառապում է անօգնականությունից՝ ի դեմս նոր ճգնաժամերի, այդ թվում՝ ռազմական բնույթի, տուժում է այն թեթևությունից, որով կարելի է արգելափակել միջազգային ուժերի գործունեությունը, եթե ագրեսոր է դառնում երկրներից մեկը, որը վետոյի իրավունք ունի ՄԱԿ ԱԽ-ում: