Վրաստանը` որպես «ԱՄՆ-ի ռազմավարական գործընկեր և ՆԱՏՕ-ի հետ ամենահամատեղելի երկիր, քննարկում է այն հարցը, թե ինչ ձևով պետք է մասնակցություն ունենա ահաբեկչության դեմ կոալիցիայի նպատակներին հասնելու գործում»: Այս մասին գրում է ITAR-TASS-ը` վկայակոչելով Վրաստանի պաշտպանության նախարարությանը:
«Կոալիցիայի միջազգային գործընկերների և անդամների հետ միասին քննարկվում են ահաբեկչության, որը վտանգ է ստեղծում խաղաղության և տարածաշրջանում ժողովրդավարության զարգացման համար, չեզոքացման տարբեր ուղիներ»,- ասվում է հաղորդագրությունում:
Նշվում է նաև, որ քննարկվող տարբերակներից ոչ մեկը չի ենթադրում վրացական բանակային ստորաբաժանումներ մարտական գոտիներ ուղարկելը, իսկ վերջնական որոշումը կընդունվի բարձրագույն քաղաքական մակարդակով:
